2012ko
XAKEKO OLINPIADA.
2012ko abuztuaren
28tik irailaren 9ra jokatua, Istanbul hirian (Turkia).
EMAKUMEZKOEN
XAKEKO XXV. OLINPIADA.
ERRUSIA: TITULUA
ERREPIKATU ZUEN.
Tatiana Kosintseva (2.530 FIDE elokoa): 5’5 puntu
9 partidatan (% 61’11); eloko galera, 3 puntu.
Valentina Gunina (2.507): 6 puntu 9 partidatan (%
66’67); eloko galera, 3’4 puntu.
Nadezhda Kosintseva (2.524): 8 puntu 9 partidatan
(% 88’89); eloko igoera, 14’8 puntu.
Alexandra Kosteniuk (2.489): 7 puntu 9 partidatan
(% 77’78); eloko igoera, puntu bat.
Natalija Pogonina (2.448): 6’5 puntu 8 partidatan
(% 81’25); eloko igoera, 8’1 puntu.
Errusia
bigarren zerrendaburua zen, Txinatik hurbil. Txapeldun olinpiko moduan aritu
zen eta azkenean titulua berritu.
Olinpiada
Irekian Errusiak izan duen alderantzizko bidea egiten ari da Emakumezkoen
Selekzioa.
Sobiet Batasunak 1986. urtean irabazi
zuen bere azken Olinpiada, Arabiar Emirrerri Batuetako Dubai hirian. Bere
hamaikagarren titulua zen. Desegin baino lehen bi aldiz izan zen bigarren,
Hungariak garaituta.
Errusiak hartu behar zion lekukoa, baina
ezinean ibili zen. Ukrania eta Georgia (bi aldiz) irabazi zuten hurrengo hiru
Olinpiadetan.
Txinaren
txanda izan zen gero. Lau Olinpiada jarraian irabazi zituen. 2006an, Turinen,
Ukrania nagusitu zen eta 2008an Alemaniako Dresden hirian Georgia.
Azkenean,
etxean, Khanty-Mansiysk hirian, Errusia 1 selekzioak irabazi zuen Olinpiada,
2010ean. 2012an, Errusiako Emakumezkoen Selekzioak bere bigarren Olinpiada
eskuratu du.
Lehenengo
bost txandetan irabazi ondoren, arerio nagusia egokitu zitzaion seigarrenean:
Txina. 2-2 izan zen emaitza. Tatiana Kosintsevak galdu zuen Yifan Houren aurka,
baina oreka ezarri zuen Nadezhda Kosintsevak, Xue Zaho garaituta.
Zazpigarrenean
eta zortzigarrenean berriz berdindu zuen Errusiak: Polonia eta Ukraniaren
aurka. Berriro Nadezhda Kosintsevak salbatu zituen errusiarrak Ukraniaren
aurka, Natalia Zhukovari irabazita. Natalija Pogoninak galdu egin zuen Anna
Usheninaren aurka.
Hiru
berdinketa horiekin Txinaren atzetik zegoen Errusia (puntu bat) eta titulua
Txina aldera joanen zela zirudien. Ustekabe handia gertatu zen azken aurreko
txandan. Txinak berdindu zuen Kazakhstan ahularen aurka. Errusiak azkeneko hiru
neurketak irabazi zituen (1-3 Indiari, 0’5-3’5 Armeniari eta 4-0 Kazakhstani).
Ezberdinketa hobea zuten errusiarrek txinatarrekiko eta horrexegatik Olinpiada
Errusiarentzat izan zen.
Nadezhda
Kosintseva eta Natalija Pogonina izan ziren errusiarrik nabarmenenak emaitzei
dagokienez.
TXINA: KAZAKHSTAN
AHULAREN AURKA GALDU ZUEN OLINPIADA.
Yifan
Hou (2.599): 6’5 puntu 9 partidatan (% 72’22); eloko igoera, 5’8 puntu.
Xue
Zhao (2.549): 8 puntu 10 partidatan (% 80); eloko igoera, 5’8 puntu.
Wenjun
Ju (2.528): 5’5 puntu 10 partidatan (% 55); eloko galera, 18’8 puntu.
Qian Huang (2.449): 8 puntu 10 partidatan (% 80); eloko
igoera, 13’7 puntu.
Yixin
Ding (2.424): 3’5 puntu 5 partidatan (% 70); eloko galera, 1’9 puntu.
Txinak
emakumezko munduko txapelduna zuen bere lerroetan: Yifan Hou. Horregatik eta
gainontzekoak nahiko xakelari onak direlako, lehenengo zerrendaburua zen. Bere
bosgarren Olinpiada izan zitekeen eta horrela Sobiet Batasunaren markara
hurbildu. Aurreko Olinpiadan bigarren geratu zen.
Hirugarren
txandan lehenengo oztopo serio izan zuen aurrez aurre: Ukrania laugarren
zerrendaburua. 2-2 geratu ziren.
Seigarren
txandan Errusia arerio nagusiaren aurka berdindu zuen: 2-2.
Zazpigarren
txandan, Georgia hirugarren zerrendaburua gainditu zuen: 1’5-2’5. Wenjun Juk
bigarren mahaian galdu zuen Bela Khotenashviliren aurka, baina Qian Huang (Lela
Javakhishviliren aurka) eta Yixin Ding (Nino Khurtsidzeren aurka) jokalariek
irabazi zuten hirugarren eta laugarren mahaietan.
Poloniari
(1-3) eta Frantziari (3-1) irabazi eta gero, Txinak nahiko erraz zuen Olinpiada
eskuratzea. Kazakhstanen aurkako hutsa, hamargarren txandan, ez dute ahaztuko:
2-2, nahiz eta mahai guztietan nabarmen elo hobea eduki.
Alferrik
izan zen Bulgaria 1’5-2’5 garaitzea. Txina Errusiaren atzetik geratu zen.
Qian
Huang, Yifan Hou eta Xue Zaho nahiko ongi aritu ziren. Wenjun Juk, ordea, 18’8
puntuko elo galera izan zuen.
UKRANIA: HIRUGARREN,
NEURKETARIK GALDU GABE.
Kateryna
Lahno (2.542): 7 puntu 10 partidatan (% 70); eloko igoera, 9’2 puntu.
Mariya
Muzychuk (2.466): 6 puntu 9 partidatan (% 66’67); eloko igoera, 7’8 puntu.
Natalia
Zhukova (2.442): 6’5 puntu 9 partidatan (% 72’22); eloko igoera, 6’7 puntu.
Anna Ushenina (2.433): 7 puntu 10 partidatan (% 70); eloko
igoera, 6’2 puntu.
Inna
Yanovska (2.404): 4 puntu 6 partidatan (% 66’67); eloko galera, 0’9 puntu.
Ukraniak
bi Olinpiada ditu bere palmaresean. Laugarren zerrendaburua zen. 2006an Turinen
lortutako garaipena berriztatu nahi zuen, baina bazekien ez zuela erraza.
Txinaren
aurka berdindu zuen hirugarren txandan: Emaitza ona. Bosgarren txandan emaitza
bera egin zuen Georgia hirugarren zerrendaburuaren aurka.
Zazpigarrenean
gauzak okertu ziren: 2-2 Frantziaren aurka. Lau mahaietan elo gehiago zuten
ukraniarrek; nahiko nabarmen hirugarren eta laugarren mahaietan. Partida guztiak
berdinean amaitu ziren.
Zortzigarrenean
Errusiaren aurka berdinduta, postu ona lortzea bihurtu zen helburu. Ongi amaitu
zuen Olinpiada Ukraniak, 1-3 Estatu Batuei, 2’5-1’5 Poloniari eta 3’5-0’5
Alemaniari irabazita.
Ukraniak
ez zuen neurketarik galdu, baina Errusia eta Txinatik puntu batera geratu zen,
hirugarren postuan.
Eloko
igoera apala izan zuten bere lehenengo lau jokalariek. Eloa gehien igo zuena
Kateryna Lahno izan zen: 9’2. Taldeko onena, beraz, lehenengo mahaian aritu
zelako.
INDIA ETA
ERRUMANIA ONGI; GEORGIA ETA ESTATU BATUAK BEREN RANKING-ETATIK BEHERA.
India
seigarren zerrendaburua zen. Agian, ez zuen ezer azpimarragarririk egin (Txina
eta Errusiaren aurka galdu zuen), baina laugarren tokian amaitu zuen. Beraz,
pozik joan ziren bere jokalariak etxera.
Errumania
hamargarren zerrendaburua zen. Zortzi neurketa irabazi eta hiru galdu egin
zituen (Txekia, Israel eta Armeniaren aurka). Egutegiak lagundu zion, baina,
dena den, bosgarren postua bere egiten jakin zuen.
Georgia
hirugarren zerrendaburua zen eta Estatu Batuak bosgarren. Zortzigarren eta
hamargarren amaitu zuten. Beraz, igurikapenak ez zituzten bete.
PUNTU
GEHIEN LORTUTAKO JOKALARIAK.
1)
Betul Cemre Yildiz (2.341) (Turkia): 9’5 puntu 11 partidatan (% 86’36).
2)
Jolanta Zawadzka (2.377) (Polonia): 9 puntu 11 partidatan (% 81’82).
3)
Tania Sachdev (2.379) (India): 9 puntu 11 partidatan (% 81’82).
PORTZENTAIARIK
ONENAK LORTUTAKO JOKALARIAK.
1)
Nadezhda Kosintseva (2.524) (Errusia): 8 puntu 9 partidatan (% 88’89).
2)
Ghazal Hakimifard (2.249) (Iran): 7 puntu 8 partidatan (% 87’50).
3)
Melissa Castrillon Gomez (2.181) (Colombia): 7 puntu 8 partidatan (% 87’50).
PERFOMANCERIK
ONENAK LORTUTAKO JOKALARIAK.
1)
Nadezhda Kosintseva (2.524) (Errusia): 2.693.
2)
Yifan Hou (2.599) (Txina): 2.645.
3)
Nana Dzagnidze (2.547) (Georgia): 2.625.
SARIAK,
MAHAIAREN ARABERA.
Lehenengo
jokalarien artean, onena: Yifan Hou (2.599) (Txina),
2.645eko perfomanceaz.
Bigarren
jokalarien artean, onena: Xue Zhao (2.549) (Txina),
2.574ko perfomanceaz.
Hirugarren jokalarien artean, onena: Nadezhda Kosintseva (2.524) (Errusia), 2.693ko
perfomanceaz.
Laugarren jokalarien artean, onena: Qian Huang (2.449) (Txina), 2.547ko perfomanceaz.
Bosgarren jokalarien artean, onena: Natalija Pogonina (2.448) (Errusia), 2.487ko
perfomanceaz.
2012-09-09.
Iturria: “http://results.chessolympiadistanbul.com//tnr77682.aspx?art=0&lan=8&flag=30”
webgunea.